മയക്കുമരുന്ന് കടത്ത്: സൗദിയിൽ മൂന്ന് വിദേശികളെ വധശിക്ഷക്ക് വിധേയരാക്കി

സൗദി അറേബ്യയിൽ മയക്കുമരുന്ന് കടത്തുമായി ബന്ധപ്പെട്ട കേസിൽ ഇന്ന് (മൂന്ന് വിദേശികളെ വധശിക്ഷക്ക് വിധേയരാക്കി. രാജ്യത്തിന്റെ തെക്ക് പടിഞ്ഞാറൻ മേഖലയിലെ നജ്‌റാനിലാണ് ശിക്ഷ നടപ്പിലാക്കിയത്.

നൂറി യാസിൻ മോമി ഹസ്സൻ, ഫൗദ് ഇബ്രാഹിം ആദം തുലെ, അഹമ്മദ് ആദം അഹമ്മദ് സയീദ് എന്നീ എത്യോപ്യൻ പൗരന്മാരാണ് ഹാഷിഷ് രാജ്യത്തേക്ക് കടത്താൻ ശ്രമിച്ച കുറ്റത്തിന് വധശിക്ഷക്ക് വിധേയരായത്.

സുരക്ഷാ ഉദ്യോഗസ്ഥർ ഇവരെ പിടികൂടുകയും വിശദമായ അന്വേഷണത്തിലൂടെ ഇവർക്കെതിരായ കുറ്റകൃത്യം തെളിയിക്കുകയും ചെയ്തു.

തുടർന്ന്, കേസ് യോഗ്യരായ കോടതിക്ക് കൈമാറുകയും, തെളിവുകളുടെ അടിസ്ഥാനത്തിൽ ഇവർ കുറ്റക്കാരാണെന്ന് കണ്ടെത്തുകയും ചെയ്തു. വിവേചനാധികാര ശിക്ഷയായി കോടതി ഇവരെ വധശിക്ഷക്ക് വിധിച്ചു.

ഈ വിധി പിന്നീട് അപ്പീൽ കോടതി ശരിവെക്കുകയും സുപ്രീം കോടതിയുടെ അംഗീകാരം ലഭിക്കുകയും ചെയ്തതോടെ അന്തിമമായി. ശരിയത്ത് നിയമം അനുസരിച്ചുള്ള വിധി നടപ്പിലാക്കുന്നതിനായി രാജകീയ ഉത്തരവ് പുറപ്പെടുവിക്കുകയും, അതിന്റെ അടിസ്ഥാനത്തിൽ ഇന്ന് നജ്‌റാൻ മേഖലയിൽ വെച്ച് ശിക്ഷ നടപ്പിലാക്കുകയും ചെയ്തു.

മയക്കുമരുന്നിന്റെ വിപത്തിൽ നിന്ന് പൗരന്മാരെയും താമസക്കാരെയും സംരക്ഷിക്കുന്നതിനും , മയക്കുമരുന്ന് കള്ളക്കടത്തുകാർക്കും വ്യാപാരികൾക്കും നിയമം അനുശാസിക്കുന്ന ഏറ്റവും കഠിനമായ ശിക്ഷകൾ ചുമത്തുന്നതിനുമുള്ള സൗദി അറേബ്യൻ സർക്കാരിന്റെ ശക്തമായ പ്രതിബദ്ധത ആഭ്യന്തര മന്ത്രാലയം ഊന്നിപ്പറഞ്ഞു.

അറേബ്യൻ മലയാളി വാട്സാപ് ഗ്രൂപിൽ നിങ്ങൾക്കും അംഗമാകാം👇
https://hostinfoarabia.com/arabian_malayali_whatsapp_group_ksa