സൗദിയിൽ ബഖാലകളിൽ അഞ്ച് സാധനങ്ങൾ വിൽക്കുന്നത് നിരോധിച്ചതായി  മന്ത്രാലയം

റിയാദ്: സൗദിയിലെ പലചരക്ക് കടകളിൽ (ബഖാലകൾ) പുകയില, ഈത്തപ്പഴം, മാംസം, പഴങ്ങൾ, പച്ചക്കറികൾ എന്നിവയുടെ വിൽപ്പന നിരോധിച്ചു.

മുനിസിപ്പാലിറ്റി, ഭവന മന്ത്രി മാജിദ് അൽ-ഹൊഗൈൽ പുറപ്പെടുവിച്ച പുതിയ ചട്ടങ്ങളിൽ ആണ്  ഈ നിർദ്ദേശം ഉൾപ്പെടുന്നത്.

തീരുമാനം ഉടനടി പ്രാബല്യത്തിൽ വരും. എങ്കിലും, നിലവിലുള്ള സ്ഥാപനങ്ങൾക്ക് ഇപ്പോൾ മുതൽ ആറ് മാസത്തിൽ കൂടാത്ത തിരുത്തൽ കാലയളവ് അനുവദിക്കും.

പുതിയ നിയന്ത്രണങ്ങൾ അനുസരിച്ച്, കിയോസ്‌ക്കുകളിലും പലചരക്ക് കടകളിലോ മിനി മാർക്കറ്റുകളിലോ ഈത്തപ്പഴം, മാംസം, പഴം, പച്ചക്കറികൾ, സാധാരണ, ഇലക്ട്രോണിക് സിഗരറ്റുകൾ, ഷിഷ എന്നിവയുൾപ്പെടെയുള്ള പുകയില ഉൽപ്പന്നങ്ങൾ ഇനി വിൽക്കാൻ അനുവാദമില്ല.

മാംസ വിൽപ്പനയ്ക്ക് പ്രത്യേക ലൈസൻസ് ആവശ്യമാണെന്ന വ്യവസ്ഥയോടെ ഈ ഉൽപ്പന്നങ്ങളെല്ലാം സപ്ലൈ സ്റ്റോറുകളിൽ (സൂപ്പർ മാർക്കറ്റുകൾ) വിൽക്കാൻ അനുവാദമുണ്ട്. ഈ ഉൽപ്പന്നങ്ങളെല്ലാം ഹൈപ്പർമാർക്കറ്റുകളിലും വിൽക്കാൻഅനുവാദമുണ്ടെന്ന് ഭേദഗതി ചെയ്ത ചട്ടങ്ങൾ വ്യവസ്ഥ ചെയ്യുന്നു. പലചരക്ക് കടകൾ, സൂപ്പർമാർക്കറ്റുകൾ, ഹൈപ്പർമാർക്കറ്റുകൾ എന്നിവിടങ്ങളിൽ ചാർജർ കേബിളുകളും പ്രീപെയ്ഡ് റീചാർജ് കാർഡുകളും വിൽക്കാനും ഭേദഗതികൾ അനുവദിക്കുന്നു

അറേബ്യൻ മലയാളി വാട്സാപ് ഗ്രൂപിൽ നിങ്ങൾക്കും അംഗമാകാം👇
https://hostinfoarabia.com/arabian_malayali_whatsapp_group_ksa