വാഹനം പൂർണ്ണമായി നിർത്താതെ ഇറങ്ങുകയോ കയറുകയോ ചെയ്താൽ പിഴ; സൗദി ട്രാഫിക് വകുപ്പ്

ഓടുന്ന വാഹനങ്ങളിൽ നിന്ന് ഇറങ്ങുകയോ അതിൽ കയറുകയോ ചെയ്യുന്നതിലെ അപകടങ്ങളെ കുറിച്ച് മുന്നറിയിപ്പ് നൽകി സൗദി ട്രാഫിക് വകുപ്പ്.

ഗുരുതരമായ പ്രത്യാഘാതങ്ങൾക്ക് കാരണമായേക്കാവുന്ന ഗതാഗത നിയമലംഘനങ്ങളുടെ വിഭാഗത്തിൽ പെടുന്നതാണ് ഈ രീതിയെന്ന് മുറൂർ അറിയിച്ചു.

യാത്രക്കാരുടെയും മറ്റ് റോഡ് ഉപയോക്താക്കളുടെയും സുരക്ഷയ്ക്ക് നേരിട്ട് ഭീഷണിയാകുമെന്നതിനാൽ, ജനറൽ ട്രാഫിക് വകുപ്പ് ഇത്തരം നടപടികൾക്കെതിരെ മുന്നറിയിപ്പ് നൽകി.

ഓടുന്ന വാഹനത്തിൽ നിന്ന് ഇറങ്ങുകയോ അതിൽ കയറുകയോ ചെയ്യുന്നത് ഗുരുതരമായ ഗതാഗത അപകടങ്ങൾക്ക് കാരണമാകുമെന്നും ഡ്രൈവർക്കും യാത്രക്കാർക്കും വാഹനത്തിന്റെ നിയന്ത്രണം നഷ്ടപ്പെടാൻ ഇടയാക്കുമെന്നും മുറൂർ വിശദീകരിച്ചു.

ഇത്തരം നിയമലംഘനങ്ങൾ ഗതാഗതത്തെ തടസ്സപ്പെടുത്തുകയും ഗതാഗതക്കുരുക്കിന് കാരണമാവുകയും ചെയ്യുന്നതാണെന്നും, പിഴ ചുമത്തുമെന്നും ട്രാഫിക് വകുപ്പ് ഓർമ്മിപ്പിച്ചു.

അറേബ്യൻ മലയാളി വാട്സാപ് ഗ്രൂപിൽ നിങ്ങൾക്കും അംഗമാകാം👇
https://hostinfoarabia.com/arabian_malayali_whatsapp_group_ksa