സൗദി അറേബ്യയിൽ പ്രവാസി വർക്ക് പെർമിറ്റുകൾ കഴിവിന്റെ അടിസ്ഥാനത്തിൽ മൂന്ന് വിഭാഗമായി തിരിക്കുന്നു

പ്രവാസി വർക്ക് പെർമിറ്റുകളെ, കഴിവുകളുടെ അടിസ്ഥാനത്തിൽ മൂന്ന് പ്രധാന നൈപുണ്യ വിഭാഗങ്ങളായി തരംതിരിച്ചുകൊണ്ട് മാനവ വിഭവശേഷി, സാമൂഹിക വികസന മന്ത്രി എൻജിനീയർ അഹമ്മദ് ബിൻ സുലൈമാൻ അൽ രാജ്ഹി ഒരു സുപ്രധാന മന്ത്രിതല തീരുമാനം പുറത്തിറക്കി.

ഉയർന്ന വൈദഗ്ധ്യം (Highly Skilled), വൈദഗ്ധ്യം (Skilled), അടിസ്ഥാനം (Basic). ആഗോള പ്രതിഭകളെ സൗദി തൊഴിൽ വിപണിയിലേക്ക് ആകർഷിക്കുന്നതിലൂടെ തൊഴിലാളി പ്രകടനം മെച്ചപ്പെടുത്തുന്നതിനും വൈദഗ്ധ്യവും അനുഭവപരിചയവും സൗദി തൊഴിൽ വിപണിയിലേക്ക് കൈമാറ്റം ചെയ്യുന്നതിനും ഈ തീരുമാനം ലക്ഷ്യമിടുന്നു.

ഈ മാറ്റങ്ങൾ ഘട്ടം ഘട്ടമായാണ് നടപ്പിലാക്കുന്നത്. സൗദി തൊഴിൽ വിപണിയിൽ നിലവിൽ ജോലി ചെയ്യുന്ന പ്രവാസി തൊഴിലാളികൾക്കുള്ള വർക്ക് പെർമിറ്റുകൾ തരംതിരിക്കുന്നതിനുള്ള സാങ്കേതിക വികസനം 2025 ജൂൺ 18-ഓടെ പൂർത്തിയാക്കി.

അതോടൊപ്പം, 2025 ജൂലൈ 1 മുതൽ രാജ്യത്ത് പുതുതായി എത്തുന്ന പ്രവാസി തൊഴിലാളികൾക്കുള്ള വർക്ക് പെർമിറ്റുകൾ തരംതിരിക്കപ്പെടും.

ഇത് പ്രവർത്തനക്ഷമത ഉയർത്തുന്നതിനും, അവരുടെ വൈദഗ്ദ്ധ്യം പ്രയോജനപ്പെടുത്തുന്നതിനും, നവീകരണത്തെയും ബിസിനസ് മോഡൽ വികസനത്തെയും പിന്തുണയ്ക്കുന്ന ഒരു അന്തരീക്ഷം കെട്ടിപ്പടുക്കുന്നതിനും സഹായിക്കുമെന്നാണ് പ്രതീക്ഷിക്കുന്നത്.

പുതിയ തീരുമാനം നൂതനമായ മികച്ച രീതികൾക്ക് അനുസൃതമായി, വിദേശ തൊഴിലാളികൾക്ക് ജോലിക്ക് ആവശ്യമായ കഴിവുകളും യോഗ്യതകളും ഉണ്ടെന്ന് ഉറപ്പു വരുത്താനും, തൊഴിൽ വിപണിയിലെ പ്രവാസി തൊഴിലാളികളുടെ നൈപുണ്യ നിലവാരം മികച്ച രീതിയിൽ കൈകാര്യം ചെയ്യുന്നതിനും ലക്ഷ്യമിടുന്നു.

ഈ തീരുമാനം വിശദീകരിക്കുന്ന ഒരു സമഗ്രമായ ഗൈഡ് മന്ത്രാലയം പുറത്തിറക്കിയിട്ടുണ്ട്. താൽപ്പര്യമുള്ളവർക്ക് മന്ത്രാലയത്തിന്റെ വെബ്‌സൈറ്റ് സന്ദർശിച്ച് ഇത് വിശദമായി പരിശോധിക്കാവുന്നതാണ്.

പുതിയ തീരുമാനം സൗദി വിഷൻ 2030 ന്റെയും ദേശീയ പരിവർത്തന പരിപാടിയുടെയും ലക്ഷ്യങ്ങൾ കൈവരിക്കുന്നതിന് വലിയ സംഭാവന നൽകും.

അറേബ്യൻ മലയാളി വാട്സാപ് ഗ്രൂപിൽ നിങ്ങൾക്കും അംഗമാകാം👇
https://hostinfoarabia.com/arabian_malayali_whatsapp_group_ksa