ഹെറോയിൻ കടത്ത്: മക്കയിൽ പാകിസ്ഥാൻ പൗരനെ വധശിക്ഷയ്ക്ക് വിധേയനാക്കി

സൗദി അറേബ്യയിലേക്ക് വൻതോതിൽ ഹെറോയിൻ കടത്തിയ കേസിൽ പാകിസ്ഥാൻ പൗരനായ സുൽഫിക്കർ ഖുൽ ബക്തിയാർ ഖാനെ വധശിക്ഷയ്ക്ക് വിധേയനാക്കി. ഇന്ന് (ബുധനാഴ്ച, ജൂലൈ 9, 2025) മക്ക അൽ-മുക്കർറമ മേഖലയിലാണ് ശിക്ഷ നടപ്പാക്കിയത്.

സുരക്ഷാ അധികാരികൾ നടത്തിയ അന്വേഷണത്തിലാണ് സുൽഫിക്കർ ഖുൽ ബക്തിയാർ ഖാനെ അറസ്റ്റ് ചെയ്തത്. തുടർന്ന് നടത്തിയ ചോദ്യം ചെയ്യലിൽ ഇയാൾ കുറ്റം ചെയ്തതായി തെളിഞ്ഞു.

കേസ് യോഗ്യതയുള്ള കോടതിയിലേക്ക് റഫർ ചെയ്യുകയും, ഇയാൾക്കെതിരെ ആരോപിക്കപ്പെട്ട കുറ്റം സ്ഥിരീകരിക്കുകയും ചെയ്തതോടെ വധശിക്ഷ വിധിക്കാൻ കോടതി ഉത്തരവിടുകയായിരുന്നു.

കോടതി വിധി അപ്പീൽ കോടതി ശരിവെക്കുകയും പിന്നീട് സുപ്രീം കോടതി അംഗീകരിക്കുകയും ചെയ്തതോടെ ശിക്ഷ അന്തിമമായി. ശരിയത്ത് നിയമപ്രകാരം വധശിക്ഷ നടപ്പാക്കാൻ പിന്നീട് രാജകീയ ഉത്തരവ് പുറപ്പെടുവിക്കുകയായിരുന്നു.

മയക്കുമരുന്ന് കടത്തിനെതിരെ സൗദി അറേബ്യ സ്വീകരിക്കുന്ന കർശന നിലപാടിന്റെ ഭാഗമായാണ് ഈ നടപടി. സമൂഹത്തിന്റെ സുരക്ഷ ഉറപ്പാക്കുന്നതിനും മയക്കുമരുന്ന് മാഫിയയുടെ പ്രവർത്തനങ്ങളെ തടയുന്നതിനും രാജ്യം പ്രതിജ്ഞാബദ്ധമാണെന്ന് അധികൃതർ വ്യക്തമാക്കി.

അറേബ്യൻ മലയാളി വാട്സാപ് ഗ്രൂപിൽ നിങ്ങൾക്കും അംഗമാകാം👇
https://hostinfoarabia.com/arabian_malayali_whatsapp_group_ksa