ഇസ്രായേലിലെ ഈലാത്ത് നഗരത്തിന് നേരെ ഡ്രോൺ ആക്രമണം; 20 പേർക്ക് പരിക്ക്

ഇസ്രായേലിലെ തെക്കൻ റിസോർട്ട് നഗരമായ ഈലാത്തിന് നേരെ നടന്ന ഡ്രോൺ ആക്രമണത്തിൽ 20 പേർക്ക് പരിക്കേറ്റു. പ്രദേശത്ത് സൈറൺ മുഴങ്ങിയതിന് തൊട്ടുപിന്നാലെയാണ് ഡ്രോൺ പതിച്ചത്.

ഡ്രോൺ തടസ്സപ്പെടുത്താൻ ശ്രമങ്ങൾ നടന്നിരുന്നു എന്നും, ആക്രമണം നടന്ന പ്രദേശത്ത് തിരച്ചിൽ, രക്ഷാപ്രവർത്തനങ്ങൾ നടക്കുന്നു എന്നും ഇസ്രായേൽ സൈന്യം ടെലിഗ്രാം സന്ദേശത്തിൽ അറിയിച്ചു.

ഹോം ഫ്രണ്ട് കമാൻഡിന്റെ പ്രതിരോധ മാർഗ്ഗനിർദ്ദേശങ്ങൾ തുടരണമെന്നും സൈന്യം പൊതുജനങ്ങളോട് അഭ്യർത്ഥിച്ചു. യെമനിൽ നിന്നാണ് ഡ്രോൺ വിക്ഷേപിച്ചതെന്ന് ഐ ഡി എഫ് ആരോപിച്ചു.

സ്ഫോടകവസ്തുക്കൾ ഉണ്ടാകാൻ സാധ്യതയുള്ളതിനാൽ തകർന്നുവീണ ഭാഗങ്ങളിൽ സ്പർശിക്കരുതെന്നും അപകടസ്ഥലത്ത് നിന്ന് വിട്ടുനിൽക്കണമെന്നും പോലീസ് പൊതുജനങ്ങൾക്ക് മുന്നറിയിപ്പ് നൽകി.

ബോംബ് നിർവീര്യമാക്കുന്ന വിദഗ്ദ്ധർ വസ്തുവിന്റെ സ്വഭാവം പരിശോധിച്ച് വരികയാണ്. മാഗൻ ഡേവിഡ് അഡോം (എംഡിഎ) എമർജൻസി മെഡിക്കൽ സർവീസ് അറിയിച്ചതനുസരിച്ച്, ആകെ 20 പേരെയാണ് പരിക്കുകളോടെ യോസെഫ്താൽ ആശുപത്രിയിൽ പ്രവേശിപ്പിച്ചത്. ഇതിൽ രണ്ടുപേരുടെ പരിക്ക് ഗുരുതരമാണ്

അറേബ്യൻ മലയാളി വാട്സാപ് ഗ്രൂപിൽ നിങ്ങൾക്കും അംഗമാകാം👇
https://hostinfoarabia.com/arabian_malayali_whatsapp_group_ksa