സൗദിയിൽ 3.2 km നീളമുള്ള ഇരട്ട കടൽപ്പാലം തുറന്നു

ദമ്മാം:  ഖത്തീഫിലെ സ്വഫ്‌വയെ റഅസ് തനൂറയുമായി ബന്ധിപ്പിക്കുന്ന പുതിയ 15 കിലോമീറ്റർ പാതയായ സഫ്‌വ-റഹിമ റോഡ് കിഴക്കൻ പ്രവിശ്യാ അമീർ പ്രിൻസ് സൗദ് ബിൻ നായിഫ് ഞായറാഴ്ച ഉദ്ഘാടനം ചെയ്തു.

3.2 കിലോമീറ്റർ നീളമുള്ള ഇരട്ട കടൽ പാലം പദ്ധതിയിൽ ഉൾപ്പെടുന്നു എന്നത് ശ്രദ്ധേയമാണ്. സൗദി അറേബ്യയിലെ ഇത്തരത്തിലുള്ള ഏറ്റവും നീളം കൂടിയ പാലങ്ങളിൽ പെട്ടതാണ് ഇത്.

യാത്രാ സമയം കുറയ്ക്കുന്നതിനും, തിരക്ക് കുറയ്ക്കുന്നതിനും, മേഖലയിലെ വളരുന്ന സാമ്പത്തിക, ലോജിസ്റ്റിക് പ്രവർത്തനങ്ങളെ പിന്തുണയ്ക്കുന്നതിനുമായി രൂപകൽപ്പന ചെയ്തിട്ടുള്ളതാണ് പുതിയ പാലം.

ദഹ്‌റാൻ-ബുഖൈഖ്-അബു ഹദ്രിയ ഹൈവേയിലെ നവീകരിച്ച ഇന്റർസെക്ഷനുകളുടെ ഉദ്ഘാടനവും രാജകുമാരൻ  നിർവഹിച്ചു. അഞ്ച് അധിക പാലങ്ങൾ, പുതിയ ലൈറ്റുകൾ, മെച്ചപ്പെട്ട മഴവെള്ള ഡ്രെയിനേജ് എന്നിവ ഇതിൽ ഉൾപ്പെടുന്നു.

അറേബ്യൻ മലയാളി വാട്സാപ് ഗ്രൂപിൽ നിങ്ങൾക്കും അംഗമാകാം👇
https://hostinfoarabia.com/arabian_malayali_whatsapp_group_ksa