സൗദിയിൽ ഒരു കമ്പനിക്ക് നിങ്ങളെ ജോലിക്കെടുക്കാൻ സാധിക്കാതെ വരുന്ന നാല് സന്ദർഭങ്ങൾ അറിയാം

സൗദിയിൽ ഒരു കമ്പനിക്ക് ഒരു പ്രവാസിയെ ജോലിക്കെടുക്കാൻ സാധിക്കാതെ വരുന്ന നാല് സന്ദർഭങ്ങൾ താഴെ വിവരിക്കുന്നു.

1. കമ്പനി നിതാഖാത്തിൽ റെഡിൽ ആണെങ്കിൽ: ഒരു കമ്പനി റെഡിൽ ഉൾപ്പെട്ടാൽ, വിദേശികളെ നിയമിക്കുന്നതിൽ നിന്ന് നിയമപരമായി വിലക്കിയിരിക്കുന്നു. സൗദിവത്ക്കരണ തോത് പാലിക്കുക മാത്രമാണു പോംവഴി.

2. . നിങ്ങളുടെ ജോലിക്ക് വിദേശികൾക്കുള്ള ക്വാട്ടയൊന്നും ശേഷിക്കുന്നില്ല. സൗദി ഇതര ജീവനക്കാർക്ക് ഓരോ തൊഴിൽ വിഭാഗത്തിനും പരമാവധി ക്വാട്ടയുണ്ട്. ക്വാട്ട തികയുകയാണെങ്കിൽ പിന്നീട് നിയമനം നടക്കില്ല.

3. കമ്പനി ഖിവയിൽ ആക്റ്റീവ് അല്ല: കമ്പനി ഖിവയിൽ ആക്റ്റീവായിട്ടില്ലെങ്കിൽ, അല്ലെങ്കിൽ അവരുടെ സ്റ്റാറ്റസ് എക്സ്പയർ ആയാൽ നിയമനം നടക്കില്ല.

4. തൊഴിൽ വിഭാഗം സൗദികൾക്ക് മാത്രമായി പരിമിതപ്പെടുത്തിയിരിക്കുന്നു:  മാനവ വിഭവശേഷി മന്ത്രാലയത്തിന്റെ തീരുമാനങ്ങൾക്ക് കീഴിൽ ചില തൊഴിലുകൾ പൂർണ്ണമായും സൗദിവൽക്കരിക്കപ്പെടുന്നു. സൗദികൾക്ക് മാത്രമുള്ള വിഭാഗത്തിലാണ് തസ്തിക വരുന്നതെങ്കിൽ, കമ്പനികൾക്ക് അവർ ആഗ്രഹിച്ചാലും വിദേശികളെ നിയമിക്കാൻ അനുവാദമില്ല.

ചുരുക്കത്തിൽ പല തൊഴിലന്വേഷകരും ജോലി കിട്ടാതാകുംബോൾ  സ്വയം കുറ്റപ്പെടുത്തുന്നത്, അവരുടെ സിവി, അല്ലെങ്കിൽ ഇന്റർവ്യുവിലെ പ്രകടനം എന്നിവയെയാണ്.  എന്നാൽ പലപ്പോഴും, കാരണം ലളിതമാണ്: കമ്പനിക്ക് നിങ്ങളെ നിയമിക്കുന്നതിനു നിയമപരമായി പരിമിതിയുണ്ട്., നിങ്ങൾ യോഗ്യതയില്ലാത്തവനാണെന്നല്ല അർത്ഥം.

ഈ നിയമന പരിമിതികൾ മനസ്സിലാക്കുന്നത് നിങ്ങളെ സഹായിക്കും അത് കൊണ്ട് തെറ്റായ പ്രതീക്ഷകൾ ഒഴിവാക്കുക ഒരു കമ്പനിക്ക് മുന്നോട്ട് പോകാൻ കഴിയാത്തപ്പോൾ അതിനെ തിരിച്ചറിയുക. പ്രവാസികളെ നിയമിക്കാൻ നിയമപരമായി അനുവാദമുള്ള സ്ഥാപനങ്ങളിൽ ശ്രദ്ധ കേന്ദ്രീകരിക്കുക.

അറേബ്യൻ മലയാളി വാട്സാപ് ഗ്രൂപിൽ നിങ്ങൾക്കും അംഗമാകാം👇
https://hostinfoarabia.com/arabian_malayali_whatsapp_group_ksa