റിയാദ് ബസ് സർവീസ്: ഒരു മാസത്തേക്ക് ടിക്കറ്റ് നിരക്ക് 140 റിയാൽ, ഒരാഴ്ചത്തേക്ക് 40 റിയാൽ, വിശദമായി അറിയാം

റിയാദിലെ കിംഗ് അബ്ദുൽ അസീസ് പൊതുഗതാഗത പദ്ധതിയുടെ ഭാഗമായി “റിയാദ് ബസ്” സർവീസിന്റെ നാലാം ഘട്ടം വ്യാഴാഴ്‌ച ആരംഭിച്ചതായി റിയാദ് നഗരത്തിനായുള്ള റോയൽ കമ്മീഷൻ അറിയിച്ചു.

നാലാം ഘട്ടം ആരംഭിക്കുന്നതോടെ, “റിയാദ് ബസ്” റൂട്ടുകളുടെ ആകെ എണ്ണം 40 റൂട്ടുകളിൽ എത്തും, 614 ബസുകൾ സർവീസ് നടത്തുന്നു, 1,632 വ്യത്യസ്ത സ്റ്റേഷനുകളും സ്റ്റോപ്പിംഗ് പോയിന്റുകളും ഉൾക്കൊള്ളുന്നു.

റിയാദ് ബസുകളുടെ ടിക്കറ്റ് നിരക്കുകൾ ഇപ്രകാരമായിരിക്കും: 2 മണിക്കൂർ ടിക്കറ്റിന് 4 റിയാൽ, 3 ദിവസത്തെ ടിക്കറ്റിന് 20 റിയാൽ, 7 ദിവസത്തെ ടിക്കറ്റിന് 40 റിയാൽ, 30 ദിവസത്തെ ടിക്കറ്റിന് 140 റിയാൽ.

റിയാദ് ബസ് യാത്രക്കുള്ള ടിക്കറ്റുകൾ രണ്ട് രീതിയിൽ പർച്ചേസ് ചെയ്യാൻ സാധിക്കും. 1. Riyadh Bus ആപ് വഴി. 2. തിരഞ്ഞെടുത്ത ബസ് സ്റ്റേഷനുകളിലെ ടിക്കറ്റ് വെൻഡിംഗ് മെഷീനുകൾ വഴിയോ അലി ബിൻ അബി ത്വാലിബ് സ്ട്രീറ്റിലെ ടിക്കറ്റ് വെൻഡിംഗ് സ്റ്റേഷനിൽ നിന്നോ ഒരു ദർബ് കാർഡ് വാങ്ങുക. എന്നിവയാണ് രണ്ട് ഓപ്‌ഷനുകൾ.

റിയാദ് ബസ് ഇലക്‌ട്രോണിക് പോർട്ടലായ www.riyadhbus.sa യാത്രക്കാർക്ക് ബസ് റൂട്ടുകളും ടിക്കറ്റ് വാങ്ങുന്നതിനുള്ള സംവിധാനവും മറ്റും അറിയാൻ വൈവിധ്യമാർന്ന ഓപ്ഷനുകൾ വാഗ്ദാനം ചെയ്യുന്നു.

റിയാദിലെ കിംഗ് അബ്ദുൽ അസീസ് പൊതുഗതാഗത പദ്ധതി റിയാദ് നഗരത്തിലെ പൊതുഗതാഗത സേവനങ്ങൾ മെച്ചപ്പെടുത്താൻ ലക്ഷ്യമിടുന്നു,

അറേബ്യൻ മലയാളി വാട്സാപ് ഗ്രൂപിൽ നിങ്ങൾക്കും അംഗമാകാം👇
Arabian Malayali WhatsApp Group