ഒരാഴ്ച മുമ്പ് അവധിക്ക് നാട്ടിൽ പോയ സൗദി പ്രവാസി മരിച്ചു

റിയാദ്: റിയാദിൽനിന്ന്​ ഒരാഴ്​ച മുമ്പ്​ അവധിക്ക്​ നാട്ടിൽ പോയ തിരുവനന്തപുരം സ്വദേശി മരിച്ചു.

തിരുവനന്തപുരം കല്ലറ പള്ളിമുക്ക് പഴയ മുക്ക് സ്വദേശി നൈസാം ആണ്​ ഇന്ന്​ ഉച്ചയോടെ ഹൃദയാഘാതത്തെ തുടർന്ന് മരിച്ചത്.

നെഞ്ചുവേദന അനുഭവപ്പെട്ടതിനെതുടർന്ന്   ആശുപത്രിയിൽ എത്തിച്ചെങ്കിലും മരണം സംഭവിക്കുകയായിരുന്നു.

റിയാദിൽ  17 വർഷം ഐസ്ക്രീം കമ്പനിയിൽ സെയിൽസ്മാനായി ജോലി ചെയ്​തിരുന്ന നൈസാം അവിടെ നിന്ന്​ വിരമിച്ച്​ നാട്ടിൽ പോയ ശേഷം ഏതാനും മാസങ്ങൾക്ക്​ മുമ്പായിരുന്നു പുതിയ വിസയിൽ തിരിച്ചെത്തി ഒരു സ്വകാര്യ കമ്പനിയിൽ ജോലിയിൽ പ്രവേശിച്ചത്. കഴിഞ്ഞയാഴ്ചയായിരുന്നു നാട്ടിൽ പോയത്​. ഭാര്യയും ഒരു മകനും ഉണ്ട്.

അറേബ്യൻ മലയാളി വാട്സാപ് ഗ്രൂപിൽ നിങ്ങൾക്കും അംഗമാകാം👇
https://hostinfoarabia.com/arabian_malayali_whatsapp_group_ksa