തീ ആളിപ്പടരുന്നു; ഇസ്രായേലിൽ അടിയന്തിരാവസ്ഥ, യൂറോപ്പിന്റെ സഹായം തേടി നെതന്യാഹു (വീഡിയോ)

ഇസ്രായേലിൽ കാട്ടുതീ അതിരൂക്ഷമായി പടർന്നുപിടിക്കുന്ന സാഹചര്യത്തിൽ പ്രധാനമന്ത്രി ബെഞ്ചമിൻ നെതന്യാഹു രാജ്യത്ത് ദേശീയ അടിയന്തിരാവസ്ഥ പ്രഖ്യാപിച്ചു.

രാജ്യത്തിന്റെ വിവിധ ഭാഗങ്ങളിൽ വ്യാപിച്ച കാട്ടുതീ നിയന്ത്രണാതീതമായി പടരുകയാണ്. കനത്ത ചൂടും വരണ്ട കാലാവസ്ഥയും കാറ്റും തീ കൂടുതൽ സ്ഥലങ്ങളിലേക്ക് പടരാൻ കാരണമായി.  

വടക്കൻ ഇസ്രായേലിലെ വനമേഖലകളിലാണ് തീ ഏറ്റവും കൂടുതൽ നാശം വിതയ്ക്കുന്നത്. നിരവധി വീടുകൾ കത്തിനശിക്കുകയും ആയിരക്കണക്കിന് ആളുകളെ സുരക്ഷിത സ്ഥാനങ്ങളിലേക്ക് മാറ്റുകയും ചെയ്തു.

രക്ഷാപ്രവർത്തകർ തീ നിയന്ത്രണവിധേയമാക്കാൻ തീവ്രശ്രമം നടത്തുന്നുണ്ടെങ്കിലും ശക്തമായ കാറ്റും വരണ്ട കാലാവസ്ഥയും പ്രവർത്തനങ്ങൾക്ക് തടസ്സമാകുന്നു.

സാഹചര്യം അതീവ ഗുരുതരമായതിനെ തുടർന്ന് ഇസ്രായേൽ സർക്കാർ യൂറോപ്യൻ രാജ്യങ്ങളുടെ സഹായം അഭ്യർത്ഥിച്ചിരിക്കുകയാണ്. തീ അണയ്ക്കാൻ സഹായിക്കുന്നതിനായി വിമാനങ്ങളും മറ്റ് അത്യാവശ്യ ഉപകരണങ്ങളും നൽകണമെന്ന് ഇസ്രായേൽ യൂറോപ്യൻ യൂണിയനോട് ആവശ്യപ്പെട്ടിട്ടുണ്ട്.

“രാജ്യത്ത് ഇതുവരെ ഉണ്ടായിട്ടുള്ളതിൽ വച്ച് ഏറ്റവും വലിയ തീപിടുത്തമാണിത്,” ജറുസലേം ജില്ലാ അഗ്നിശമന വകുപ്പ് കമാൻഡർ ഷ്മുലിക് ഫ്രീഡ്മാൻ ബുധനാഴ്ച ഉച്ചകഴിഞ്ഞ് മാധ്യമപ്രവർത്തകരോട് പറഞ്ഞു.

ഇസ്രായേലിന്റെ സ്മാരക ദിനമായ ബുധനാഴ്ച, തീപിടുത്തത്തെത്തുടർന്ന് ടെൽ അവീവിനെയും ജറുസലേമിനെയും ബന്ധിപ്പിക്കുന്ന പ്രധാന റോഡായ റൂട്ട് 1 അടച്ചിടാൻ അധികാരികൾ നിർബന്ധിതരായി.

അഗ്നിശമന സേനാംഗങ്ങൾക്കും രക്ഷാപ്രവർത്തകർക്കും പുറമെ, സൈന്യവും പോലീസും തീ നിയന്ത്രണവിധേയമാക്കാനുള്ള ശ്രമങ്ങളിൽ പങ്കുചേരുന്നുണ്ട്. തീ സമീപ പ്രദേശങ്ങളിലേക്ക് പടരാതിരിക്കാൻ ജാഗ്രത പാലിക്കണമെന്ന് അധികൃതർ ജനങ്ങൾക്ക് മുന്നറിയിപ്പ് നൽകി.

Fire shuts down Route 1—#Israel main #TelAviv –#Jerusalem highway.

Drivers flee on foot as flames overtake the road. Total chaos.#Route1 #Wildfire #Breakingnews pic.twitter.com/LCVYCTSdMM

— Charles Martyn (@charlesBBM12) April 30, 2025

അറേബ്യൻ മലയാളി വാട്സാപ് ഗ്രൂപിൽ നിങ്ങൾക്കും അംഗമാകാം👇
https://hostinfoarabia.com/arabian_malayali_whatsapp_group_ksa