സൗദിയിൽ തൊഴിലിടങ്ങളിലെ തൊഴിലാളിയുടെ അവകാശങ്ങൾ അറിയാതെ പോകരുത്

രാജ്യത്തെ ഓരോ തൊഴിലാളിയുടേയും അവകാശങ്ങൾ സ്വദേശിയെന്നോ,വിദേശി,രാജ്യ,വർണ്ണ,മത, വിവേചനങ്ങൾ ഇല്ലാതെ സംരക്ഷിക്കുന്നതാണ് സൗദി തൊഴിൽ നിയമം.

നവീകരിച്ച സൗദി തൊഴിൽ നിയമത്തിൽ ഒരു തൊഴിലാളിക്ക് നിരവധി ആനുകൂല്യങ്ങൾ ആണ് തൊഴിൽ വ്യവസ്ഥ അനുവദിക്കുന്നത്. അവയിൽ ചിലത് താഴെ വിവരിക്കുന്നു.

നവീകരിച്ച സൗദി തൊഴിൽ നിയമത്തിൽ ഒരു തൊഴിലാളിയെ വിശ്രമമില്ലാതെ തുടർച്ചയായി അഞ്ച് മണിക്കൂറിലധികം സമയം ജോലി ചെയ്യിക്കാൻ പാടില്ലെന്ന്  വ്യവസ്ഥ ചെയ്യുന്നു എന്നത് ശ്രദ്ധേയമാണ്.

അതോടൊപ്പം ജോലി സമയത്തിനിടക്ക് നമസ്ക്കാരം, ഭക്ഷണം, വിശ്രമം എന്നിവക്കായി ചുരുങ്ങിയത് 30 മിനുട്ട് സമയമെങ്കിലും ഇടവേള അനുവദിക്കണം എന്നതും വ്യവസ്ഥയാണ്.

ഈ ജോലിക്കിടെയുള്ള  വിശ്രമ സമയത്ത് തൊഴിലാളിയോട്  എന്തെങ്കിലും തൊഴിൽ ചെയ്യാൻ കൽപ്പിക്കാൻ തൊഴിലുടമക്ക് ഒരു അധികാരവും ഉണ്ടായിരിക്കുന്നതുമല്ല എന്ന് പ്രത്യേകം ഓർക്കേണ്ടതുണ്ട്.

തന്റെ തൊഴിലാളിക്ക് പ്രതിദിന വിശ്രമ സമയമോ, വാരാന്ത്യ അവധിയോ, ഓവർ ടൈം മണിയോ നൽകാതിരുന്നാൽ തൊഴിലുടമയുടെ മേൽ 5000 റിയാൽ പിഴ ചുമത്തപ്പെടുമെന്ന് സൗദി തൊഴിൽ നിയമം ഓർമ്മപ്പെടുത്തുന്നു.

അറേബ്യൻ മലയാളി വാട്സാപ് ഗ്രൂപിൽ നിങ്ങൾക്കും അംഗമാകാം👇
https://hostinfoarabia.com/arabian_malayali_whatsapp_group_ksa

പ്രവാസി വോയ്‌സ് വാട്ട്സ്ആപ്പ് ചാനൽ ഫോളോ ചെയ്യാൻ👇
https://whatsapp.com/channel/0029Vaiawe4Elagm2wyOzH2Q