ആറ് മാസം മുമ്പ് പുതിയ വിസയിൽ സൗദിയിലെത്തിയ മലയാളി വാഹനാപകടത്തിൽ മരിച്ചു

സൗദിയിലെ അബ് ഹയിലുണ്ടായ വാഹനാപകടത്തിൽ കോഴിക്കോട് സ്വദേശി മരിച്ചു.

കൊടിയത്തൂർ ചെറുവാടി അക്കരപറമ്പിൽ ഹാരിസാണ് (35) മരിച്ചത്. അബ് ഹയിൽ നിന്ന് മജാരിദയിലേക്കുള്ള യാത്രക്കിടെ ബ്രേക്ക് നഷ്ടപ്പെട്ട് ചുരത്തിലെ സൈഡ് വാളിൽ ഇടിക്കുകയായിരുന്നു.

സഹപ്രവർത്തകരായ മലപ്പുറം വാഴക്കാട് സ്വദേശി ഫജ്റു സാദിഖ്​​, കോഴിക്കോട്​ മുക്കം സ്വദേശി മുജീബ്​ എന്നിവർക്കൊപ്പം ജോലിയാവശ്യാർഥം യാത്ര ചെയ്യുകയായിരുന്നു ഹാരിസ്.

ഹാരിസ് സംഭവസ്ഥലത്ത് വെച്ച് മരിച്ചു. രണ്ട് സഹപ്രവർത്തകരും പരിക്കുകളോടെ ആശുപത്രിയിൽ പ്രവേശിക്കപ്പെട്ടിരിക്കുകയാണ്.

മുമ്പ് സൗദിയിൽ ഉണ്ടായിരുന്ന ഹാരിസ് പ്രവാസം അവസാനിപ്പിച്ച് നാട്ടിലേക്ക് മടങ്ങിയ ശേഷം പുതിയ വിസയിൽ ആറു മാസം മുംബായിരുന്നു വീണ്ടും സൗദിയിലെത്തിയത്. ഭാര്യയും അഞ്ച് വയസ്സുള്ള മകനും രണ്ട് വയസ്സുള്ള മകളുമുണ്ട്.

അറേബ്യൻ മലയാളി വാട്സാപ് ഗ്രൂപിൽ നിങ്ങൾക്കും അംഗമാകാം👇
https://hostinfoarabia.com/arabian_malayali_whatsapp_group_ksa