മനുഷ്യ മൂലധനം രാജ്യത്തിന്റെ ശ്രദ്ധാ കേന്ദ്രം; സൗദി ധനമന്ത്രി

റിയാദ്: സംഘട്ടനങ്ങളിൽ ഏർപ്പെടുന്നതിനുപകരം അതിൻ്റെ ജനങ്ങളിലും സമ്പദ്‌വ്യവസ്ഥയുടെ അഭിവൃദ്ധിയിലും ശ്രദ്ധ കേന്ദ്രീകരിക്കുന്നതിനാൽ മനുഷ്യ മൂലധനം രാജ്യത്തിലെ ശ്രദ്ധാകേന്ദ്രമാണെന്ന് സൗദി ധനകാര്യ മന്ത്രി മുഹമ്മദ്‌ അൽ ജദ് ആൻ പ്രസ്താവിച്ചു.

സാഹചര്യങ്ങളും സംഭവവികാസങ്ങളും കൈകാര്യം ചെയ്യാൻ രാജ്യങ്ങൾ സാമ്പത്തിക പദ്ധതികളിൽ ഭേദഗതി വരുത്തണം; രാജ്യത്തിൻ്റെ വിഷൻ 2030, അളവിലെ വളർച്ചയെക്കാൾ ഗുണപരമായ വളർച്ചയിലാണ് ഊന്നൽ നൽകുന്ന തെന്ന് മന്ത്രി സൂചിപ്പിച്ചു.

രാജ്യങ്ങൾക്കിടയിൽ അവരുടെ സാമ്പത്തിക പ്രകടനത്തിൻ്റെ കാര്യത്തിൽ കടുത്ത അസമത്വങ്ങളുണ്ടെന്ന് ധനമന്ത്രി ചൂണ്ടിക്കാട്ടി.

“കടത്തിൽ കഷ്ടപ്പെടുമ്പോൾ വളർച്ചയിൽ ശ്രദ്ധ കേന്ദ്രീകരിക്കാൻ രാജ്യങ്ങളോട് ആവശ്യപ്പെടാൻ കഴിയില്ല” ,ബുദ്ധിമുട്ടുകൾ നേരിടുന്ന രാജ്യങ്ങളെ പിന്തുണയ്ക്കുകയെന്നത് ബഹുമുഖ ധനകാര്യ സ്ഥാപനങ്ങളുടെ ഉത്തരവാദിത്തമാണെന്നും മന്ത്രി ഊന്നിപ്പറയുകയും ചെയ്തു.

അറേബ്യൻ മലയാളി വാട്സാപ് ഗ്രൂപിൽ നിങ്ങൾക്കും അംഗമാകാം👇
https://hostinfoarabia.com/arabian_malayali_whatsapp_group_ksa