ഗാസയിൽ ഇസ്രായേൽ വ്യോമാക്രമണത്തിൽ ഗർഭിണി കൊല്ലപ്പെട്ടു; കുഞ്ഞിനെ ജീവനോടെ പുറത്തെടുത്തു

ഇന്ന് പുലർച്ചെ മുതൽ ഗാസയിലുടനീളം ഇസ്രായേൽ സേന നടത്തിക്കൊണ്ടിരിക്കുന്ന ആക്രമണത്തിൽ കുറഞ്ഞത് 27 ഫലസ്തീനികൾ കൊല്ലപ്പെട്ടു.

ഗാസ സിറ്റിയിലെ ഒരു റെസിഡൻഷ്യൽ ഹൗസിന് നേരെ നടത്തിയ വ്യോമാക്രമണത്തിൽ ഗർഭിണിയായ സ്ത്രീ കൊല്ലപ്പെട്ടു. ഡോക്ടർമാർക്ക് കുഞ്ഞിനെ ജീവനോടെ പുറത്തെടുക്കാനായെങ്കിലും സ്ത്രീയെ രക്ഷിക്കാനായില്ല.

പ്രശസ്തയായ പലസ്തീനിയൻ എഴുത്തുകാരിയായ വലാ ജുമാ അൽ-ഇഫ്രാഞ്ചിയും ഭർത്താവ് അഹമ്മദ് സയീദ് സലാമയും അവരുടെ വീടിന് നേരെ ഇസ്രായേൽ നടത്തിയ ആക്രമണത്തിൽ കൊല്ലപ്പെട്ടു.

ഗാസ മുനമ്പിൻ്റെ തെക്ക് ഭാഗത്തുള്ള ഖാൻ യൂനിസ് നഗരത്തിലെ താൽക്കാലിക ക്യാമ്പിൽ തണുപ്പ് താങ്ങാനാകാതെ ഒരു കുഞ്ഞ് മരിച്ചു.

14 മാസമായി ഒരിടത്ത് നിന്ന് മറ്റൊരിടത്തേക്ക് മാറിത്താമസിച്ച് താൽക്കാലിക ക്യാമ്പുകളിലാണ് ആളുകൾ കഴിയുന്നത്. അവരുടെ കൂടാരങ്ങൾ വളരെ ദുർബലമാണ്, അവർക്ക് പുതപ്പുകളോ ശൈത്യകാല വസ്ത്രങ്ങളോ ഇല്ല.

ഗാസ മുനമ്പിലെ സെൻട്രൽ ഏരിയയിലെ ബുറൈജ് അഭയാർത്ഥി ക്യാമ്പിലെ ഒരു കൂട്ടം ആളുകളെ ലക്ഷ്യമിട്ട് നടത്തിയ ആക്രമണത്തിൽ രണ്ടു പേർ കൊല്ലപ്പെട്ടതായി ഫലസ്തീൻ വാർത്താ ഏജൻസിയായ വഫ റിപ്പോർട്ട് ചെയ്തു.

മാരകമായ ബോംബാക്രമണങ്ങൾക്ക് വിധേയരായ ഗാസയിലെ സാധാരണക്കാർ അവരുടെ വീടുകൾ, ഭക്ഷണം, വെള്ളം, വൈദ്യസഹായം, സുരക്ഷിത യാത്ര എന്നിവയ്ക്കുള്ള അവകാശം നിഷേധിക്കപ്പെട്ട ഭയാനകമായ അവസ്ഥയിലാണുള്ളത്.

അറേബ്യൻ മലയാളി വാട്സാപ് ഗ്രൂപിൽ നിങ്ങൾക്കും അംഗമാകാം👇
https://hostinfoarabia.com/arabian_malayali_whatsapp_group_ksa