എട്ട് ബന്ദികളെ ഹമാസ് ഇന്ന് വിട്ടയക്കും; ഇസ്രായേൽ ആക്രമണത്തിൽ 10 ഫലസ്തീനികൾ കൊല്ലപ്പെട്ടു

ഇസ്രായേലും ഹമാസും തമ്മിലുള്ള വെടിനിർത്തൽ കരാറിന്റെ ഭാഗമായിട്ടുള്ള മൂന്നാമത്തെ തടവുകാരുടെ കൈമാറ്റം ഇന്ന് വൈകുന്നേരം നടക്കും.

മൂന്ന് ഇസ്രായേലികളെയും അഞ്ച് തായ്‌ലൻഡുകാരുമടക്കം ഗാസയിൽ തടവിലാക്കപ്പെട്ട എട്ട് ബന്ദികളെ ഹമാസ് ഇന്ന് വിട്ടയക്കും.

അതേസമയം 110 പലസ്തീൻ തടവുകാരെ ഇസ്രയേലും മോചിപ്പിക്കും. ഇവരിൽ 30 പേർ 18 വയസ്സിന് താഴെയുള്ളവരാണ്.

അതിനിടെ അധിനിവേശ വെസ്റ്റ് ബാങ്കിൽ ഇസ്രായേൽ ആക്രമണം ശക്തമാക്കുന്നതിനിടെ, ടുബാസ് ഗവർണറേറ്റിൽ ഇസ്രായേൽ നടത്തിയ വ്യോമാക്രമണത്തിൽ കുറഞ്ഞത് 10 പലസ്തീനികൾ കൊല്ലപ്പെട്ടു.

ആഴ്ചകളോളം നീണ്ട ഇസ്രായേലി സൈനിക നടപടിക്ക് വിധേയമായ ജെനിൻ അഭയാർത്ഥി ക്യാമ്പിൽ ഇസ്രായേൽ സൈന്യം തുടരുമെന്ന് ഇസ്രായേൽ പ്രതിരോധ മന്ത്രി ഇസ്രായേൽ കാറ്റ്സ് പറഞ്ഞു.

ഇസ്രായേലും ഹിസ്ബുള്ളയും തമ്മിൽ വെടിനിർത്തൽ കരാർ നിലവിലുണ്ടെങ്കിലും ബുധനാഴ്ച നടന്ന ഇസ്രായേലി ആക്രമണങ്ങളിൽ എട്ട് പേർക്ക് പരിക്കേറ്റതായി ലെബനൻ ആരോഗ്യ മന്ത്രാലയം അറിയിച്ചു.

ലെബനനിൽ നിന്ന് ഇസ്രായേലിലേക്ക് അനധികൃതമായി കടക്കാൻ ശ്രമിച്ച മൂന്ന് തുർക്കി പൗരന്മാർ ഇസ്രായേലി വ്യോമാക്രമണത്തിൽ കൊല്ലപ്പെട്ടതായി തുർക്കി വിദേശകാര്യ മന്ത്രാലയം അറിയിച്ചു.

അറേബ്യൻ മലയാളി വാട്സാപ് ഗ്രൂപിൽ നിങ്ങൾക്കും അംഗമാകാം👇
https://hostinfoarabia.com/arabian_malayali_whatsapp_group_ksa