ഇന്ത്യ-പാക് സംഘർഷങ്ങൾക്കിടയിൽ നിരവധി വിമാനങ്ങൾ റദ്ദാക്കി; അതിർത്തിയിൽ അതീവ ജാഗ്രത

അതിർത്തിക്കപ്പുറത്തുള്ള ഭീകര താവളങ്ങൾ ലക്ഷ്യമിട്ടുള്ള ഇന്ത്യൻ സൈന്യത്തിന്റെ ‘ഓപ്പറേഷൻ സിന്ദൂർ’ എന്ന സൈനിക നടപടിയെ തുടർന്ന് നിരവധി വിമാന സർവീസുകൾ റദ്ധാക്കി.

വടക്കേ ഇന്ത്യയിലെ നിരവധി നഗരങ്ങളിലേക്കും തിരിച്ചുമുള്ള യാത്രക്കാർക്ക് ഇൻഡിഗോയും സ്‌പൈസ് ജെറ്റും പ്രത്യേക യാത്രാ ഉപദേശങ്ങൾ നൽകിയിട്ടുണ്ട്.

ശ്രീനഗർ, ജമ്മു, അമൃത്സർ, ലേ, ചണ്ഡീഗഡ്, ധർമ്മശാല എന്നിവിടങ്ങളിൽ നിന്ന് പുറപ്പെടുന്ന വിമാനങ്ങൾ റദ്ധാക്കിയതായി ഇൻഡിഗോ എയർലൈൻ അറിയിച്ചു.

വിമാനത്താവളത്തിൽ എത്തുന്നതിനുമുമ്പ് https://bit.ly/31paVKQ എന്ന വിലാസത്തിൽ നിങ്ങളുടെ ഫ്ലൈറ്റ് സ്റ്റാറ്റസ് പരിശോധിക്കാൻ ഞങ്ങൾ അഭ്യർത്ഥിക്കുന്നു” എന്ന് എയർലൈൻ കൂട്ടിച്ചേർത്തു.

നിരവധി വടക്കൻ വിമാനത്താവളങ്ങളിൽ നിന്നുള്ള സർവീസുകളിൽ തടസ്സം നേരിടുന്നതായി സ്‌പൈസ് ജെറ്റ് ഒരു പ്രത്യേക അറിയിപ്പിൽ സ്ഥിരീകരിച്ചു. നിലവിലുള്ള സാഹചര്യം കാരണം, ധർമ്മശാല (DHM), ലേ (IXL), ജമ്മു (IXJ), ശ്രീനഗർ (SXR), അമൃത്സർ (ATQ) എന്നിവയുൾപ്പെടെ വടക്കേ ഇന്ത്യയുടെ ചില ഭാഗങ്ങളിലെ വിമാനത്താവളങ്ങൾ ഇനിയൊരു അറിയിപ്പ് ഉണ്ടാകുന്നതുവരെ അടച്ചിട്ടിരിക്കുന്നു.

പുറപ്പെടലുകൾ, എത്തിച്ചേരലുകൾ, തുടർന്നുള്ള വിമാനങ്ങൾ എന്നിവയെ ബാധിച്ചേക്കാം. യാത്രക്കാർ അതനുസരിച്ച് യാത്ര ആസൂത്രണം ചെയ്യാനും https://spicejet.com/ എന്ന വിലാസത്തിൽ ഫ്ലൈറ്റ് സ്റ്റാറ്റസ് പരിശോധിക്കാനും നിർദ്ദേശിക്കുന്നുവെന്ന് സ്‌പൈസ്‌ജെറ്റ് അറിയിച്ചു.

നിലവിലുള്ള സാഹചര്യം കണക്കിലെടുത്ത്, മെയ് 7 ന് ഉച്ചയ്ക്ക് 12 മണി വരെ ജമ്മു, ശ്രീനഗർ, ലേ, ജോധ്പൂർ, അമൃത്സർ, ഭുജ്, ജാംനഗർ, ചണ്ഡീഗഡ്, രാജ്കോട്ട് എന്നീ സ്റ്റേഷനുകളിലേക്കും തിരിച്ചുമുള്ള എല്ലാ വിമാനങ്ങളും എയർ ഇന്ത്യ റദ്ദാക്കിയിട്ടുണ്ട്.

അമൃത്സറിലേക്കുള്ള രണ്ട് അന്താരാഷ്ട്ര വിമാനങ്ങൾ ഡൽഹിയിലേക്ക് തിരിച്ചുവിടുന്നു. ഈ അപ്രതീക്ഷിത തടസ്സം മൂലമുണ്ടായ അസൗകര്യത്തിൽ ഞങ്ങൾ ഖേദിക്കുന്നുവെന്നും എയർ ഇന്ത്യ അറിയിച്ചു.

അറേബ്യൻ മലയാളി വാട്സാപ് ഗ്രൂപിൽ നിങ്ങൾക്കും അംഗമാകാം👇
https://hostinfoarabia.com/arabian_malayali_whatsapp_group_ksa