ഇസ്രായേലിൽ മിസൈൽ മഴ വർഷിച്ച് ഇറാൻ; ടെൽ അവീവും ബീർഷെബയും ഉൾപ്പെടെ 30 കേന്ദ്രങ്ങളിൽ ആക്രമണം
ഇസ്രായേലിലെ മധ്യ-ദക്ഷിണ മേഖലകളെ ലക്ഷ്യമിട്ട് അതിശക്തമായ മിസൈൽ ആക്രമണം നടത്തിയതായി ഇസ്ലാമിക് റെവല്യൂഷണറി ഗാർഡ് കോർപ്സ് അറിയിച്ചു.
ചൊവ്വാഴ്ച നടന്ന ഈ ആക്രമണം തങ്ങളുടെ തിരിച്ചടിയിലെ നിർണ്ണായക ഘട്ടമാണെന്ന് ഇറാൻ വ്യക്തമാക്കി. അത്യാധുനികമായ ‘ഖൈബർ-ഷെക്കാൻ’ മിസൈലുകളാണ് ആക്രമണത്തിനായി ഉപയോഗിച്ചത്.
ഇസ്രായേലിലെ ഏറ്റവും പ്രധാനപ്പെട്ട നഗരങ്ങളായ തെൽ അവീവ് (Tel Aviv), ഋഷോൺ ലെറ്റ്സിയോൺ (Rishon Letzion), പെറ്റാ തിക്വ (Petah Tikva), ബീർഷെബ (Be’er Sheva) എന്നിവിടങ്ങളിലായി മുപ്പതോളം കേന്ദ്രങ്ങളിലാണ് മിസൈലുകൾ പതിച്ചത്.
തന്ത്രപ്രധാനമായ സൈനിക-വ്യവസായ കേന്ദ്രങ്ങളെ കൃത്യമായി ലക്ഷ്യം വെക്കാൻ ശേഷിയുള്ളവയാണ് ഈ മിസൈലുകളെന്ന് ഐആർജിസി അവകാശപ്പെട്ടു.
ഇത് ഇറാന്റെ തിരിച്ചടിയിലെ പുതിയ ഘട്ടത്തിന്റെ തുടക്കം മാത്രമാണെന്നും അദ്ദേഹം മുന്നറിയിപ്പ് നൽകി. ഇറാനെതിരെ ഇസ്രായേൽ നടത്തുന്ന കുറ്റകൃത്യങ്ങൾക്ക് മറുപടിയായാണ് ഈ നടപടിയെന്ന് ഐആർജിസി പബ്ലിക് റിലേഷൻസ് വിഭാഗം അറിയിച്ചു.
ഇസ്രായേലിലെ പ്രധാന വ്യവസായ ശാലകൾ, അടിസ്ഥാന സൗകര്യങ്ങൾ, സൈനിക കേന്ദ്രങ്ങൾ എന്നിവ വരും ദിവസങ്ങളിൽ ലക്ഷ്യമിടുമെന്നും ഇതിലും വലിയ പ്രത്യാക്രമണങ്ങൾ ഉണ്ടാകുമെന്നും ഇറാൻ ഭീഷണി മുഴക്കി.
അപകടം ഒഴിവാക്കാൻ ഈ മേഖലകളിൽ നിന്ന് ജനങ്ങൾ എത്രയും വേഗം ഒഴിഞ്ഞുപോരണമെന്നും ഇറാൻ നിർദ്ദേശിച്ചു. മിസൈൽ ആക്രമണത്തെത്തുടർന്ന് ഇസ്രായേലിലെ പ്രധാന നഗരങ്ങളിലെല്ലാം സൈറണുകൾ മുഴങ്ങുകയും ജനങ്ങൾ ബങ്കറുകളിൽ അഭയം തേടുകയും ചെയ്തു.
അറേബ്യൻ മലയാളി വാട്സാപ് ഗ്രൂപിൽ നിങ്ങൾക്കും അംഗമാകാം👇
Arabian Malayali WhatsApp Group