പ്രാദേശിക ആസ്ഥാനം റിയാദിലേക്ക് മാറ്റുന്ന ബഹുരാഷ്ട്ര കമ്പനികൾക്ക് സൗദി അറേബ്യ നികുതി ഇളവുകൾ പ്രഖ്യാപിച്ചു

റിയാദ് : പ്രാദേശിക ആസ്ഥാനം റിയാദിലേക്ക് മാറ്റുന്ന സാഹചര്യത്തിൽ ബഹുരാഷ്ട്ര കമ്പനികൾക്ക് 30 വർഷത്തേക്ക് പൂജ്യം ശതമാനം ആദായ നികുതി ഉൾപ്പെടെയുള്ള നികുതി ആനുകൂല്യങ്ങളുടെ പുതിയ പാക്കേജ് സൗദി അറേബ്യ ചൊവ്വാഴ്ച പ്രഖ്യാപിച്ചു.

അന്താരാഷ്ട്ര കമ്പനികൾക്ക് സൗദി അറേബ്യയിൽ പ്രാദേശിക ആസ്ഥാനം തുറക്കുന്നതിനുള്ള നടപടിക്രമങ്ങൾ പ്രോത്സാഹിപ്പിക്കുന്നതിനും സുഗമമാക്കുന്നതിനുമുള്ള ശ്രമത്തിന്റെ ഭാഗമായി ധനമന്ത്രാലയത്തിന്റെയും സകാത്ത്, നികുതി, കസ്റ്റംസ് അതോറിറ്റിയുടെയും ഏകോപനത്തോടെ നിക്ഷേപ മന്ത്രാലയമാണ് ഈ പ്രഖ്യാപനം നടത്തിയത്.

സൗദി അറേബ്യയിൽ അവരുടെ പ്രാദേശിക ആസ്ഥാനം സ്ഥാപിക്കുന്നതിന് അന്താരാഷ്ട്ര കമ്പനികളെ ആകർഷിക്കാനും മിഡിൽ ഈസ്റ്റ്, നോർത്ത് ആഫ്രിക്ക മേഖലയിലെ ഈ കമ്പനികളുടെ ആദ്യ ചോയ്‌സ് രാജ്യത്തെ ആക്കാനും പ്രോഗ്രാം ലക്ഷ്യമിടുന്നു.

ആസ്ഥാനം സൗദിയിലേക്ക് മാറ്റുന്ന കംബനികൾക്ക് സൗദിവത്ക്കരണ വ്യവസ്ഥകളിൽ വരെ ആനുകൂല്യം അനുവദിച്ച് കൊണ്ട് ആകർഷകമായ അന്തരീക്ഷം സൃഷ്ടിക്കുകയാണ് നിക്ഷേപ മന്ത്രാലയത്തിന്റെ ലക്‌ഷ്യം.

അറേബ്യൻ മലയാളി വാട്സാപ് ഗ്രൂപിൽ നിങ്ങൾക്കും അംഗമാകാം👇
Arabian Malayali WhatsApp Group