കേളി മലാസ് ഏരിയ അഞ്ചാമത് ഏരിയ സമ്മേളന ലോഗോ പ്രകാശനം ചെയ്തു.

റിയാദ്: കേളി മലാസ് ഏരിയ അഞ്ചാമത് സമ്മേളനത്തിന്റെ ലോഗോ പ്രകാശനം സംഘാടകസമിതി ചെയർമാൻ സ: മുകുന്ദന്റെ അധ്യക്ഷതയിൽ കേളി മലാസ് ഏരിയ കമ്മിറ്റി ഓഫീസിൽ ചേർന്ന യോഗത്തിൽ കേളി മുഖ്യ രക്ഷാധികാരി സമിതി അംഗം സ: ഫിറോഷ് തയ്യിൽ പ്രകാശനം ചെയ്തു.

കേളി മലാസ് ഏരിയക്ക് കീഴിലെ അംഗങ്ങളിൽ നിന്നും സ്വീകരിച്ച ലോഗോയിൽ കേളി ജരീർ യൂണിറ്റ് എക്സിക്യൂട്ടീവ് അംഗം സ: സനീഷ്ന്റെ ലോഗോയാണ് തിരഞ്ഞെടുത്തത്. ചടങ്ങിൽ കേളി ട്രഷറർ സ: സെബിൻ ഇക്ബാൽ, കേളി മലാസ് ഏരിയ സെക്രട്ടറി സ: സുനിൽ കുമാർ, സംഘാടകസമിതി കൺവീനർ സ: നസീർ മുള്ളൂർക്കര തുടങ്ങി സംഘാടകസമിതി അംഗങ്ങളും കേളി ഏരിയ കമ്മിറ്റി അംഗങ്ങളും പങ്കെടുത്തു.

സമ്മേളനം ജൂൺ 17 ന് വെള്ളിയാഴ്ച്ച സ: ജയപ്രകാശ് നഗറിൽ വെച്ച് നടക്കും. ഏരിയ സമ്മേളനത്തോടനുബന്ധിച്ച് നോർക്ക ഐ ഡി / പ്രവാസി ക്ഷേമനിധി രജിസ്‌ട്രേഷൻ ക്യാമ്പ് , സെമിനാർ, ചലച്ചിത്രോത്സവം തുടങ്ങീ വിവിധ കലാപരിപാടികൾ സംഘടിപ്പിക്കുമെന്ന് സംഘടകസമിതി അറിയിച്ചു.

അറേബ്യൻ മലയാളി വാട്സാപ് ഗ്രൂപിൽ നിങ്ങൾക്കും അംഗമാകാം

https://hostinfoarabia.com/arabian_malayali_whatsapp_group_ksa

അറേബ്യൻ മലയാളി വാട്സാപ് ഗ്രൂപിൽ നിങ്ങൾക്കും അംഗമാകാം👇
https://hostinfoarabia.com/arabian_malayali_whatsapp_group_ksa