പെരുന്നാൾ അവധിയിലെ സൗദി ജവാസാത്ത് പ്രവർത്തന സമയം അറിയാം

റിയാദ്: ഈ വർഷത്തെ ഈദ് അൽ-ഫിത്തർ അവധിക്കാലത്ത്, രാജ്യത്തിൻ്റെ വിവിധ പ്രദേശങ്ങളിലെ ജവാസാത്ത് വകുപ്പുകളുടെയും അവയുടെ ശാഖകളുടെയും പ്രവർത്തന സമയം ജനറൽ ഡയറക്ടറേറ്റ് ഓഫ് പാസ്‌പോർട്ട് പ്രഖ്യാപിച്ചു.

ആഭ്യന്തര മന്ത്രാലയത്തിൻ്റെ ഇലക്‌ട്രോണിക് സേവന പ്ലാറ്റ്‌ഫോം (അബ്ഷർ) വഴി നടപ്പിലാക്കാൻ കഴിയാത്ത അടിയന്തിര സേവനങ്ങൾ നടത്തുന്നതിന് ജവാസാത്ത് ഓഫീസുകൾ സജ്ജമായിരിക്കും.

സൗദിയിലെ എല്ലാ പ്രവിശ്യകളിലെയും ജവാസാത്ത് ഓഫീസുകൾ റമളാനിൽ ഞായർ മുതൽ വ്യാഴം വരെ രാവിലെ 10 മുതൽ ഉച്ചക്ക് 3 മണി വരെയും ഈദ് അവധി ദിനങ്ങളിൽ ഞായർ മുതൽ വ്യാഴം വരെ രാവിലെ 8 മുതൽ ഉച്ചക്ക് 2.30 വരെയും പ്രവർത്തിക്കും.

റിയാദ് ഹയ്യു റിമാലിലെ ജവാസാത്ത് ബ്രാഞ്ച് ഓഫീസ് രാത്രി 9 മുതൽ പുലർച്ചെ 1 മണി വരെ എല്ലാ ദിവസവും പ്രവർത്തിക്കും. റമളാൻ 29 തിങ്കളാഴ്‌ച വരെ സേവനം ലഭ്യമാകും.

മക്ക പ്രവിശ്യയിൽ ജിദ്ദയിലെ സെറാഫി മാൾ , തഹ്‌ലിയ മാൾ എന്നിവിടങ്ങളിലെ ജവാസാത്ത് ബ്രാഞ്ച് ഓഫീസുകൾ രാത്രി 9 മുതൽ പുലർച്ചെ 2 മണി വരെ പ്രവർത്തിക്കും. റമളാൻ 28 ഞായർ വരെ സേവനം ലഭ്യമാകും.

അറേബ്യൻ മലയാളി വാട്സാപ് ഗ്രൂപിൽ നിങ്ങൾക്കും അംഗമാകാം👇
https://hostinfoarabia.com/arabian_malayali_whatsapp_group_ksa